كلمــــة رقيقـــة

 كلمه رقيقه

ياغنوة حلوه من مقامات الأمل
نفسى ف مره تسمَعينى بلهجتك
كلمه رقيقه بتتكتب باربع شفايف
يانسمه تايهه مننا ف بحر العطش
لوتعرفينى .. قد ايه انا قلبى خايف
يفضل يسوق الموج ويركب نوَِتك
يدعى النوارس ترشده على شطَكم
ويمنى نفسه بالمنى يوم اللقا
يغرق هناك ويشدنى لبحر العطش
 
يانجمه هلَت فوق فلايك عمرنا
الحب عمره ماكان بإيدنا وملكنا
دا الحب سلطانه القوى بيشدنا
يسلب ارادة قلبنا .. ويشدنا
علشان نعيش سيل الهوى
لو كنتى واثقه ان ربانك قوى
حبيه قوى 
مدَيه بعزم يعدى بيه سيل الهوى
خلَى رياحك زى طوق رح ينجده
ويجدده علشان ما بيحبك قوى
 
يانسمه حلَت قلبنا ومتدلعه
متقولى ليه عن ودَنا متمنعه
انا قلبى سلم كل ارضه لبسمتك
علشان يعيش ..
لو ساعه واحده ف جنتك
امنيتى……………. ..
معرفشى ايه امنيتك
نفسى اطوفك يااميره واعرفك
منايا اعرف كل شىء عن دنيتك
يانن قلبى .. قلبى طاف يم العطش
وانتى الندى جوه الخيال متربعه
طب قولى ليه عن دنيتى متمنعه
قلبى طوفان م الأسئله والأسئله
مايطفيهاش غير كلمه حلوه حنينه
يااحلى غنوه من مقامات الأمل
نفسى ف مره تسمعَينى بلهجتك
كلمه رقيقه بتتكتب باربع شفايف